ஞானசார தேரருக்கு பிடியாணை உத்தரவு

பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரருக்கு பிடியாணை பிறப்பிக்குமாறு நீதிமன்றம் உத்தரவு வழங்கியுள்ளது.

கோட்டை நீதவான் தனுஜா லக்மாலி குறித்த உத்தரவை இன்று (09.10.2024) பிறப்பித்துள்ளார்.

2014ஆம் ஆண்டு கொழும்பில் உள்ள நிப்போன் ஹோட்டலில் தேசிய பலசேனா அமைப்பால் நடாத்தப்பட்ட ஊடக சந்திப்பில் இஸ்லாமியர்களின் குர் ஆனை அவமதித்தமைக்காக ஞானசார தேரர் மீது வழக்கு தொடரப்பட்டது.
குறித்த வழக்கு தொடர்பான விசாரணையின் போது, ​​அவர் திறந்த நீதிமன்றத்தில் முன்னிலையாகததால் இவ்வாறு பிடியாணை பிறப்பிக்கப்பட்டது.
அத்துடன், இது குறித்த விசாரணையானது அடுத்த வருடம் மார்ச் 5ஆம் திகதிக்கு ஒத்திவைக்கப்பட்டுள்ளமை குறிப்பிடத்தக்கது.